non fian deghe e non suni chentu
pius de milli si suni riunidas

annos, dies, meses e chidas
chin sa conca prena de fermentu

fin'in su camminare fia feu
cheriu s'istradone a contu meu.

Amus aria vona e abba fine semus riccos
de ospitalidade e sas viddas chi amus a confine
sun prenas de umanidade.
E sos chi bivides sempere in s'ispiaggia
benide a bisitare sa Barbagia.

Non est sa tua, inutile bramma
Salvas s'isposa c'adorat a tie
ca t'hat azzesu in coro una fiamma
Chi t'alimentat s'amore ogni die
Deo tia salvare pri'a mamma
Si matessi suzzederat a mie
Ca sa mamma recreu est dae tottu
Dae sa mamma s'isposa happo connottu.

Chi s'isfaghe su mundu tott'intreu
Non mi rende dolore ne ferida
Che una mamma regina dechida
Proite est sambene de su sambene meu
Ma un'isposa chi m'hat dadu Deu
Pro fidele cumpagnia in custa vida
Tott'in issa est s'amore e passione
Ca cun issa non bi est paragone...

"Lassami istare su jocu
moemiche cuss'idea"
tott'est vana sa pelea
a ch'as dad'in malu locu
no, non ti podet cumbennere
si ti sighis a trattenere
vies mala vizilia
"est sa volontade mia
de non mi lassare tennere"

"Ajò non sias ostina'
pone mente lassa fachere"
"non ti pozzo cumpiachere
non soe galu ammachià"
"non ezzas sa delica'
ello puite naras goi"
"ca pares unu cocoi
un sas antennas paras
perdes su tempu de badas
menzus non torres in goi"
"cando t'impompas aizu
ses che in sa vesta
mi vaches perder sa testa
e, nde morzo 'e su disizzu"
"si cheres unu cussizzu
non torres a dommo a bennere
"ma non mi pozzo mantennere
ca l'happo in su pessamentu"
de arribbare a s'intentu
a forza de m'intertennere"

"Tue ses unu tontu
cando chistionas gai
de omines che a tue
nd'happo perdiu su contu"
"ma li paret un'affrontu
ca non timmet su bobboi
druche suspirat un oi
animu 'e corpus si dada
cando irdobbat dismajada
ca li toco su sosoi"